انتبهت لدمعها بالهدب والكحل سال
لين جفت عينها دمع والقاع ارتوى
وابتدت لحضة جفا وانتهت لحضة وصال
وانطفى نور العادة واحسب انه ضوى
ما اكتفيت من الهوى والغرام اربع ليال
وقفت ايام التلاقي وجا وقت النوى
كنت ابسلى وابتسم والتفت عها شمال
لاقويت الصدعنها ولاقلبي قوى
ماهقيت ان الهوى يعذب قلوب الرجال
لين ضاع القلب مني وتفكيري سوى
رحت ادور دفوة الشمس ضيعت الضلال
جيت اطفي شعلت النار والقلب انكوى
ماهقيت إن السعادة خيالٍ في خيال
تروي قلوب الحبايب وقلبي ماروى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
مارضى لي حضي اللي طواني وانطوى
وسلامتكم اتمنى تكون اعجبتكم
قصيدة للشاعر حامد زييييييييييد
موضوع: قصيدة رد السؤال 
الأحد يونيو 01, 2008 6:07 pm
