شعر بين المعرجي والخالدي

قال المعرجي مرحبا ذي نبدا بها كل حال

حيو الخالدي ذي نزل يتكلم على كل ضال

شوف الضال ياصاحبي ممكن تعرفه من خلال

اسلوبه مع المجتمع والاوصاف خير استدال

بااكد على ماسلف ذي قال ابن معرج وقال

كلمة حق وبايلتزم ضد المكر والاحتيال

خو احمد لاتفكر غلط خلي الوهم خلي الخيال

والاوراق ذي هيه معك شوفها ماتساوي ريال

يكفيك امشرف في امشهور لاهم حاربو الاحتلال

خلو الحرب بعد اليمن هجو بعد ذاك البسال

والارض التي عندكم ذي باتورثوها سلال

قلي شي عليها عبر لاجا السيل غرر وجال

وانا بحمده عندي عندي من نعيمه جلال

شوف ارضي انا واسعه لاجا السيل قطب وسال

وابن المعرجي عوذلي شوف الاسم عمر وطال

واسئل ويش ذي عرجه غير التضحيه والنضال

خليك الحسد عادني بادوس الحسد بالنعال

والغلطان والمعتدي في حق ابن سالم عطال

توفيق ابن سالم معي مابانفترق باسهال

والكلمه لنا واحده مادام الحبه تزال

وامحجريه مادامها حلت في الجبال العلال

شوف تاريخها مستمر مايحتاج كثرة سوال

وباوصيك ياالخالدي في توفيق بعض الخصال

لايكذب ولايفتري مش من ذي يلفو الذيال

والمظلوم لاقابله رحب به وحيا القبال

من خيره ومن طيبة هاج البحر فوق الرمال

هذه من تحياتنا بهديها عسل في وخال

وبتمسك بحبل النبي ذي مابعد حبله حبال

اللهم صلي وسلم وبارك عليه

الشاعر__الكبير سالم العرجي